Garuli: PR ka gati pakete per votimin e emigranteve

Partia Republikane insiston qe emigrantet shqiptare, rezidente kudo qe jane, te kene te drejten e votes ne zgjedhjet e ardhshme parlamentare. Nenkryetari i PR-se, Aleksander Garuli, deklaroi dje, gjate nje konference per shtyp ne seline e kesaj partie, pas marrjes se Certifikates se Mirenjohjes nga Lidhja e Emigranteve Shqiptare ne Greqi, se "PR ka nje pakete per votimin e emigranteve dhe do te insistoje qe kjo pakete te kaloje. Besojme qe Parlamenti ne Kodin e ri Zgjedhor do te jete dakord qe ta perfaqesoje kete pakete". Sipas paketes se republikaneve, votimi do te kryhet nepermjet perfaqesive diplomatike, nen shembullin e rezidenteve te tjere te huaj ne kete shtet. Ne emer te emigranteve shqiptare ne Greqi, kryetari i Lidhjes se Emigranteve, Rudi Mezini, tha se "ne kerkojme qe politika shqiptare te zgjidhe problemet per te votuar emigrantet shqiptare, te cilet jane ne Greqi". Me deklaraten e djeshme eshte e dyta here qe republikanet i rikthehen votave te emigranteve. Kete here partia e Mediut ka nje propozim konkret per sa i perket menyres se votimit te shtetasve shqiptare rezidente jashte vendit. Nje pakete, e cila pritet te perfshihet ne kodin e ri zgjedhor, ku saktesohen kushtet qe emigrantet duhet te plotesojne per te bere te vlefshme voten e tyre. Ne shtetin fqinj grek jetojne rreth 700 mije emigrante te ligjshem, e thene ndryshe rreth 1/3 e votuesve shqiptare. Argumenti i perdorur nga ana e republikaneve ne lidhje me dhenien e mundesise te gjithe shtetasve shqiptare me banim jashte vendit per te votuar, eshte fakti se duke qene dhe pjesa me vitale e popullsise, furnizuesja kryesore me te ardhura e vendit, kane te drejten te vendosin me voten e tyre dhe per qeverisjen. S.P

LSI e G 99 kerkuar voten e emigranteve

Qe ne fillim ka qene Levizja Socialiste per Integrim, e Ilir Metes, ajo qe ka kerkuar qe ne kod te perfshihet dhe votimi i emigranteve, duke ngritur madje dhe strukturat e saja ne vendet ku ka shqiptare. Pak dite me pare, ka qene grupimi me i ri politik shqiptar, G99, i drejtuar nga Erion Veliaj, ai qe kerkoi me insistim votimin e emigranteve.