Gates: SHBA do të shtojë praninë në Azi

Shtetet e Bashkuara të Amerikës theksuan se do të rrisin praninë e tyre ushtarake në brigjet e Paqësorit, pavarësisht shqetësimeve të buxhetit dhe angazhimit të vazhdueshëm në Irak dhe Afganistan.

Sekretari amerikan i Mbrojtjes, Robert Gates, duke folur nga Singapori, theksoi se SHBA-ja do të forcojë lidhjet ushtarake me Australinë dhe Singaporin.

Ai theksoi se në rajon do të vendosen anije dhe teknologji e re, për të mbrojtur aleatët dhe vijat detare në rajon.

Shume shtete aziatike janë frikësuar, si pasojë e fuqizimit të fundit ushtarak të Kinës.

Gates do të largohet nga posti në fund të qershorit, teksa postin e tij do ta marrë drejtori aktual i CIA-s, Leon Panetta.