“Gërdeci”-Shtyhet për në 30 nëntor seanca për Fatmir Mediun

Mungesa e dy avokatëve mbrojtës të ish-Ministrit të Mbrojtjes, Fatmir Mediu ka sjellë shtyrjen e seancës për në datë 30 nëntor në orën 10:00. Gjykata ricaktoi avokat Artan Simonin.

Sakaq, GJKKO ka nisur marrjen në pyetje të dëshmitarëve të tragjedisë së “Gërdecit” në 2008-ën, ku humbën jetën 26 persona e u plagosën qindra të tjerë.

Mediu akuzohet për shpërdorim detyre në shpërthimin e 15 marsit.

GJKKO ka pranuar më herët kërkesën që pjesë e seancave të jenë edhe familjarët e viktimave si palë e procesit ku gjykohet ish-ministri Mediu, vendim ky që u cilësua si një fitore nga ana e tyre.

/rtsh.al/