“Gerdeci, mund te banohet serish"
Sonila Isaku
Vetem tete dite pas shperthimit te fabrikes se shkaterrimit te municioneve ne Gerdec, kjo zone mund te banohet serish. Per nje jave rresht, specialiste te shendetit publik te kryeqytetit kane kryer inspektimet ne zonen e fatkeqesise, pikerisht ne Gerdec. Sipas programit te percaktuar eshte monitoruar situata epidemiologjike, higjiena publike, cilesia e ujit dhe e ajrit, dezinfektimi i zones per shkak te kafsheve te ngordhura, higjiena e punes, shkollore dhe ushqimore. Tashme, rezultatet e monitorimit te kesaj zone, tregojne se banoret e saj mund ti rikthehen serish shtepive te tyre, pasi ti kene rikonstruktuar. Megjithate, ende problematike vazhdon te mbetet vetem largimi i kafsheve te ngordhura dhe groposja e tyre si dhe dezinfektimi i te gjithe zones per te parandaluar perhapjen e ndonje epidemie. Ndersa persa i perket kesaj te fundit, pra situata epidemiologjike paraqitet e qete, por nga ana tjeter ka nisur vaksinimi i te gjithe banoreve te plagosur.
Vaksinimi
Specialistet e Shendetit Publik kane percaktuar grupmoshat, te cilat do te kryejne vaksinimin sipas kalendarit te percaktuar per te perballuar shfaqjen e ndonje infeksioni te mundshem. "Jo vetem per femijet e fshatrave Gerdec, Marqinet dhe per te zones se Vores, por edhe per ata te vendosur tek kavalishenca ne Durres do te nise vaksinimi. Po keshtu ne kete "fushate vaksinimi" do te perfshihen edhe femije te zonave te tjera te Tiranes qe i perkasin moshes 0 deri ne 14 vjec" eshte shprehur zedhenesja e Ministrise se Shendetesise, Zhaneta Tomcini. Sipas saj, po vazhdon "krehja e popullates" dhe koordinimi me personelin shendetesor te zonave per vend ndodhjen e femijeve te tjere dhe aplikimi i vaksinave. Po keshtu vaksinat jane injektuar edhe tek forcat speciale dhe ato ushtarake te cilet jane duke larguar predhat dhe duke kerkuar per gjetjen e trupave.
Higjiena
Sektori i higjienes publike eshte monitoruar fillimisht nga specialistet, dhe ka qene pikerisht cilesia e ajrit dhe e ujit te pijshem. Pas analizave te kryera ka rezultuar se uji i puseve eshte i ndotur dhe nuk mund te perdoret per konsum, ndersa ai i tubacioneve te ujesjellesit dhe ajri kane qene brenda parametrave te percaktuara. Megjithese keto matje jane kryer jashte fshatit gerdec, situata ne zonen e karantines ushtarake mbetet e rende. "Nuk ka raste patologjike, si shtim i rasteve me semundje respiratore dhe te ngjashme. Po keshtu nuk referohen raste intokacionesh, apo te patologjive akute te lidhura si me perqendrime te plumbit ne ajer, apo ne ushqime si dhe nuk identifikohen raste te semundshmerise profesionale" ka pohuar Tomcini. Sipas saj, puna ka nisur edhe per rikonstruksionin e shkollave.
SSSASS