Gignac thyen këmbën

Sulmuesi i Olympique Marseille, Andre-Pierre Gignac do të qëndrojë jashtë fushës për gjashtë javë pasi theu këmbën e majtë në humbjen 1-0 nga Troyes të dielën, ka njoftuar klubi nga Velodrome.

“Andre-Pierre Gignac ka pësuar frakturë në këmbën e tij të majtë. Ai do të qëndrojë jashtë fushës për gjashtë javë, sipas stafit mjekësor”, thuhej në komunikatën e publikuar në uebfaqen zyrtare të Marseilles të hënën.

Pas dy sezoneve dëshpëruese në Marseille, Gignac ka shkëlqyer në këtë fillim stinori duke realizuar pesë gola.