Gjendet i mbytur në rezervuar 36 vjeçari

Pas dy ditësh kërkimesh është gjetur trupi i pa jetë i  36 vjeçarit nga fshati Leminot i rrethit të Korçës Besnik Kodra, babai i   3 fëmijëve  më të madhin 5 vjeç dhe më i vogli 3 muajsh.

Kodra  për shkak të kushteve të vështira ekonomike punonte  që prej disa muajsh  si bari i fshatit  dhe kulloste bagëtitë në kodrat e Leminotit në afërsi të rezervuarit që i mori atij edhe jetën. Dy ditë më parë Kodra teksa ishte duke kullotur bagëtitë si për çdo ditë, për tu freskuar nga vapa  i është drejtuar rezervuarit, por nuk ka mundur të dalë dot i gjallë prej andej .

Fëmijët dhe bashkëshortja sëbashku edhe me disa bashkëfshatarë teksa kanë parë që  Besniku nuk po  vinte në  shtëpi  i janë drejtuar kodrave përreth ku kanë parë edhe bagëtitë që po kullosnin por jo bariun. Në breg të rezervarit nga rrobat  e lëna, ata kanë marrë vesh se Besniku  ka ngelur në ujerat e rezervuarit duke u alarmuar dhe lajmëruar  policinë.

Për shkak  të thellësisë së madhe është dashur ndërhyrja e pëlumbarve nga Tiranë të cilët kanë mundur që pas gati 1 dite kërkimi të nxjerrin nga ujërat e rezervuarit trupin e pa jetë të Besnik Kodrës. Vetëm disa vjet më parë në këtë rezervuar janë mbytur 4 fëmijë nga një familje.