Gjendet nje trup i pajete ne zonen e Tragjasit ne Vlore

Në zonën e Tragjasit në Vlorë, në afërsi të vaskave të peshkut, është gjendur një trup i pajetë.

Për shkak të dekompozimit të trupit, ka qenë i vështirë edhe identifikimi dhe përcaktimi i seksit të viktimës.

Në prani edhe të mjekut ligjor, është konfirmuar se kufoma i përket një mashkulli.

Kufomës iu gjet një rrip plastik i mbështjellë rreth qafës.

Do të jetë ekspertiza mjeko-ligjore ajo që do të nxjerrë detaje rreth viktimës.

Zona në afërsi të fshatit Tragjas ku u gjet trupi i dekompozuar, është një vend i pabanuar, ku kalon një rrugë automobilistike.

Nuk dihet akoma nëse viktima është vrarë dhe groposur aty apo është sjellë nga diku tjetër për t’u groposur.

Viktima ishte groposur pranë një kodre.