Gjendja financiare e Kosovës
Në Kosovë ekspertë të sistemit financiar thonë se ulja e eksporteve dhe të ardhurave nga diaspora janë dy fusha kryesore në të cilat ka ndikuar kriza botërore në Kosovë, ndërsa sistemi i brendshëm financiar nuk është ndikuar nga kriza e përgjithshme. Në një bisedë për Zërin e Amerikës, Kryetari i Bordit të Bankës qendrore të Kosovës, Gazmend Luboteni tha se qasja mjaft konservatore e bankës qendrore ka ndikuar në qëndrueshmërinë e institucioneve financiare në vend.