Gjeneral Nehat Kulla, 20 vjet ne burg

Durres- Gjykata e Apelit Durres nuk "leshon pe" per "gjeneralin". Nehat Kulla do te qendroje edhe per 20 vjet ne burg, pas vendimit te djeshem te Shkalles se Dyte ne qytetin bregdetar, duke lene ne fuqi masen e dhene nga Gjykata e Kavajes vitin e kaluar. Kulla eshte denuar per vrasjen e ish-shoferit te zv/ministrit te Arsimit dhe ish-ministrit te Brendshem, Halit Shamata, 10 vjet me pare ne Kavaje. Vendimi eshte dhene diten e djeshme pas nje seance disa oreshe, qe e ka shpallur fajtor te pandehurin Kulla, per vrasjen e Halim Gjuzit. Vrasja e shoferit te ish-ministrit, ishte e pazbardhur deri para tre vjetesh, kur prokuroria vendosi qe te hape serish kete ceshtje te vjeter, duke e zbardhur perfundimisht. Rinisja e hetimeve ishte bere pasi kishte disa deshmitare, te cilet kane deklaruar se ka qene Nehat Kulla, personi qe ka qelluar mbi Halim Gjuzin. Aktualisht, "gjenerali" qendron ne qeli, nen akuzen per vrasjen e shoferit te ish-ministrit Shamata. Ne dosje kishte deshmi dhe prova qe identifikonin si nje nder autoret e ketij krimi, Nehat Kullen. Nehat Kulla do te arrestohej ne vitin 2005, per t'u marre ne pyetje rreth nje vrasjeje te ndodhur rreth ores 16:00 me 23 korrik 1998, ne Golem te Kavajes. Halim Gjuzi ka qene duke udhetuar ne nje automjet bashke me familjen e tij. Deshmitaret kane pohuar se Gjuzi eshte qelluar me arme ne prani te familjareve, ku benin pjese edhe dy femijet. Kulla mesohet se udhetonte ne nje "Shevrolet" me targa ushtarake shteterore. Sherri ka ardhur pas nje gervishtjeje makine.

E. A.