Gjeorgji, protestë kundër planeve ruse në Osetinë Jugore

Gjeorgjia ka protestuar kundër planeve të Rusisë për ndërtimin e fushave të helikopterëve në Osetinë Jugore.
Ministria e jashtme, nëpërmjet të një deklarate, ka dënuar zgjerimin ushtarak të Rusisë në rajonin separatist të Gjeorgjisë, Osetia Jugore.
Mëtutje, theksohet se fluturimet e pakontrolluara të helikopterëve ushtarakë në hapësirën ajrore të Gjeorgjisë, mund të paraqesin kërcënim për sigurinë e aviacionit civil.
Moska e ka njohur pavarësinë e Osetisë Jugore, pak pas luftës së shkurtër të Rusisë kundër Gjeorgjisë në gusht të vitit 2008.