Gjermania asfikson Polonine, SuperPodoslki njeriu i fitores

Mannschaft i drejtuar nga Hoakim Lev bind ne perballjen e pare kunder Polonise dhe merr kreun e renditjes ne grupin B. Ka qene Lukas Podolski ne superforme, njeriu i fitores, i cili me dygoleshin e tij i jep fitoren Mannschaftit de merr kreun e golashenuesve te evropianit. Per Gjermanine parashikohej nje ndeshje e lehte, por qe neminuten e pare skuadra polake ka rrezikuar. Lehman dhe Mertesaker nuk jane kuptuar, por Kriznovek nuk ka perfituar sic duhet. Megjithate, skuadra e Levit fillon te rikuperoje terren. Ne minuten e katert Klose shmang pozicionin jashteloje, por ne vend qe te gjuaje, kerkon te jape nje asisit per Gomez dhe gabon. Por ne aksionin tjeter te ngjashem, ate te minutes se 20-te, Klose e gradon me mire kemben e tij dhe pasimi i arte per Podolskin sjell golin e avantazhit gjerman. Polonia reagon, por Zuravski nuk shenjestron mire porten e Lehmanit. Pjesa e pare e takimit perfundon me avantazhin minimal te Gjermanise. Ne fraksionin e dyte, skuadra e Levit nuk has asnje veshtiresi peerballe Polonise dhe e asfikson teresisht manovren e saj sulmuse. Balak me shoke kontrollojne territorin dhe bejne c'te duan. Ne minuten e 72-te eshte serish Lukas Podolski qe do te shenoje. Sulmuesi shfrytezon me se miri nje gabim te Kloses, gjuatja e se cilit shnderrohet ne asist dhe "ngul" ne rrjete topin e rezultatit 2-0. Gjermania e nis mbare evropianin e saj, ndersa Polonia duhet te coje koke ndeshjen e ardhshme.

Lev: Nje fitore e merituar

Hoakim Lev, arkitekti i Gjermanise, shprehet i kenaqur pas perfundimit te ndeshjes me Polonine, ku ekipi tij fitoi bindshem 2-0. "Luajtem vertet mire dhe e merituam kete rezultat. I lejuam shume pak kundershtarit dhe u treguam fanatike ne mbrojtje. Kjo fitore na e ben me te lehte vazhdimesine tone ne grupin B."

Gjermani-Poloni 2-0

Shenues: Podolski 20', 72'

Gjermania: Lehman, Lahm, Metzelder, Mertesaker, Jansen, Fritz (Shvainshtaiger 55'), Frings, Balak, Podolski, Klose (Kuranji 91'), Gomez (Hitzlsperger 75')

Trajner: Hoakim Lev

Polonia: Boruc, Vasilevski, Zevlakov, Bak, Golanski (Saganovski 75'), Lobodzinski (Pizcek 65'), Dudka, Levandovski, Kriznovek, Smolarek, Zurvaski (Roxher 46')

Trajner: Leo Benhaker

Gjyqtar: Ovrebo, Holen, Randen

Kartone te verdhe: Smolarek,Levandovski, Shvainshtaiger