Gjermania vazhdon hetimet, UEFA ne alarm

Federata Gjermane e Futbollit dhe Liga e Futbollit ne Gjermani, publikuan gjate dites se djeshme, se eshte krijuar "task-force", per te hetuar dhe provuar skandalin e ndeshjeve qe ka shperthyer, ne vendin e tyre. Qeveria e futbollit evropian dhe UEFA, ka thirrur ne nje takim qe do te mbahet me kete rast ne Nion te Zvicres, disa vende me futboll te zhvilluar, me qellim qe te diskutohet dhe te merren masa parandaluese, ndaj fenomeni qe eshte perhapur dhe rrezikon lojen e ndershme te futbollit. Mediat gjermane kane publikuar rreth 32 ndeshje, qe mendohet se jane te shitura dhe rreth 200 te tjera sipas tyre, jane nen hetim. "Federata e Sportit ka pergjegjesine qe te ndaloje krimin e organizuar dhe ky eshte nje fenomen qe ndodh ne shume vende", - thuhet ne raportin e UEFA-s. Para mbledhjes, Gjermania eshte vendi i pare, ne pritje te masave konkrete, per te parandaluar cdo lloj implikimi te metejshem te nderhyrjeve ne ndeshje.