Gjiri i Lalzit banoret protestojne per pronat

Dhjetra banorë të fshatrave që shtrihen buzë bregdetit të Gjirit të Lalzit në veri të Durrësit kanë protestuar kundër asaj që ata e quajnë zaptim të tokave dhe shfrytëzim të tyre nga firma të huaja.

Banorët protestues pretendojnë se disponojnë dokumenta të sakta dhe çertifikata për pronësinë e tokës. Rreth 55 hektarë tokë është rrethuar në breg, brezin e rërës dhe pishave në Gjirin e Lalzit. Në rast të mos sqarimit të kësaj situate, banorët e Gjirit të Lalzit paralajmërojnë protesta në ditët në vijim.