Gjirokaster Zyra Rajonale e Turizmit te dhenat turistike ne internet

Zyra Rajonale e Shërbimit Turistik në Gjirokastër ka organizuar njëe takim me përfaqësues lokale të Bashkisë së Tepelenës, Përmetit, Gjirokastrës, përfaqësues të Dhomës së Tregtisë së qytetit si dhe OJQ-të që bashkëpunojnë në fushën e turizmit.

Qëllimi i këtij takimi ka qenë projekti për bashkëpunim me Universitetin Europian të Turizmit për regjistrimin e të dhënave bazë të të gjitha subjekteve akomoduese turistike, agjencive turistike, si dhe të gjithë shoqatave kulturore, artistike që ofrojnë informacion në këtë sektor.

Sipas këtij projekti do të mjaftojë një klikim i turistëve të huaj dhe atyre shqiptarë në website për të gjetur të gjithë informacionin e mundshëm për një udhëtim të parashikuar jo vetëm në qarkun e Gjirokastrës, por në të gjithë Shqipërinë.