Gjirokastër, sekuestrohen 98 kg marijuanë

 98 kg lëndë narkotike e llojit kanabis sativa është sekuestruar nga policia e Gjirokastrës mëngjesin e sotëm. Lënda e paketuar ndodhej në një makinë, e cila është gjetur e braktisur.

Sipas policisë, lënda narkotike ishte marrë në Lazarat. Personi që e transportonte drogën është shpallur në kërkim,

Një ditë më parë, në afërsi të fshatit Lazart u kapën 75 kg marijuanë, ndërsa u shpallën në kërkim 4 personat që e transportonin.