Grabitja e ciftit, arrestohet nje person, tjetri ne kerkim

Elbasan-Pese dite pas grabitjes me arme dhe plagosjes se nje cifti bashkeshortesh ne Perrenjas, policia ka mundur te zbardhe ngjarjen dhe te vere ne pranga njerin prej autoreve te saj, ndersa eshte shpallur ne kerkim bashkepunetori i tij ne kete ngjarje. Burime zyrtare te policise se Elbasanit, bene te ditur se ne saje te operacionit te koduar "Borxhi i Vjeter", u be i mundur arrestimi 29-vjecarit Damo Lengo, lindur e banues ne Elbasan ne lagjen "5 Maji" dhe kane shpallur ne kerkim bashkepunetorin e tij ne kete ngjarje, 20-vjecarin Hektor Dyrmishi, lindur ne Gramsh dhe banues ne lagjen "Syrja Dylgjeri". Policia tha se arrestimi i 29-vjecarit Lengo, u be pas nje pune me metoda speciale te hetimit si dhe mbi bazen e informacioneve te marra ne rruge operative, ne bashkepunim edhe me prokurorine e rrethit. Dy te rinjte, akuzohen se ne bashkepunim me njeri - tjetrin, kane vjedhur me arme zjarri banesen e A.RR dhe L.RR ne qytetin e Perrenjasit, duke u shkaktuar ketyre te fundit demtime ne pjese te ndryshme te trupit. Policia tha se po punohet intensivisht per kapjen e Hektor Dyrmishit, si dhe per sqarimin e plote te rrethanave te ngjarjes. Materialet i kaluan prokurorise per veprime te metejshme per vepren penale "vjedhje me arme e kryer ne bashkepunim" dhe "armembajtje pa leje".

Arrestimi

Ne saje te operacionit te koduar "Borxhi i Vjeter", u be i mundur arrestimi 29-vjecarit Damo Lengo dhe kane shpallur ne kerkim 20-vjecarin Hektor Dyrmishi, te akuzuar per grabitjen me plagosje te nje cifti bashkeshortesh ne Perrenjas.