Grabitja e kambistit nje ne pranga

ELBASAN - Eshte vene ne pranga nje nga te dyshuarit per grabitjen e kampistit Arben Kovaci, ne Elbasan, nderkohe qe jane duke punuar per te kapur dhe personat e tjere qe kane marre pjese ne kete ngjarje. Policia e Elbasanit ka deklaruar zyrtarisht dje se ka ndaluar nje nga autoret e dyshuar te grabitjes se kambistit. Burimet zyrtare te uniformave blu thane se, ai eshte Albert Qafa, 44 vjec lindur ne Elbasan e banues ne Shkozet te Durresit. Te njejtat burime kane bere te ditur se, jane identifikuar dhe personat e tjere qe kane marre pjese ne grabitjen e ndodhur. Uniformat blu, jane duke punuar per kapjen e tyre, nderkohe qe emrat e te dyshuarve, nuk jane bere te ditur per shkaqe te sekretit hetimor. Sipas te dhenave te policise lokale, mbremjen e dates 18 shtator te ketij viti, Albert Qafa ne bashkepunim me persona te tjere ka qelluar dhe me pas grabitur kambistin Arben Kovaci 44 vjec, qe banonte ne lagjen "Kongresi i Elbasanit". Sipas deshmive te marra nga kambisti, autoret e kane qelluar ne befasi ne koke ne castin kur ai po kthehej ne shtepi. Me pas kane shqyer me force kaseten plastike te ciklomotorit dhe kane marre 2.5 milion leke. Burime hetimore bene te ditur dje se kane identifikuar edhe shtetasit e tjere te kesaj grabitje emrat e te cileve nuk behen te ditur per arsye hetimore. Nderkohe gjendja shendetesore e kambistit te dhunuar eshte drejt permiresimit. Ngjarja e pak diteve me pare, ka frikesuar kambistet e tjere ne kete qytet te cilet gjate ketyre diteve kane dale ne pune "ne masa te larta sigurie", per te mos rene preh e grabitesve. Burime zyrtare nga policia e Elbasanit bene te ditur se " Arben Kovaci, kambist me licence, eshte goditur me mjete te forta ne pjese te ndryshme te trupit rreth ores 21:00 prane pallatit te tij ne qender te qytetit te Elbasanit". Sipas policise, Kovaci po kthehej nga puna ne kohen qe agresori e ka qelluar ate me mjete te forta, duke i grabitur 2.5 milione leke qe kishte me vete. Mesohet se Kovaci ndodhet ne Spitalin Kirurgjik te Elbasanit ne gjendje kritike per jeten. Nderkohe, policia po punon per identifikimin dhe kapjen e autorit te kesaj ngjarjeje.

F. Salliu