"Univers Vip", dosja shkon ne gjykate
Tirane - Prokuroria e Tiranes ka perfunduar hetimet dhe ka derguar per gjykim dosjen hetimore ne ngarkim te pese te pandehurve te cilet merrnin ryshfete per te pajisur kursantet me patenta. Dje eshte hedhur shorti elektronik, ndersa ceshtja i ka rene per shqyrtim gjyqtarit Gerd Hoxha. "Univers Vip". Keshtu u quajt operacioni qe rane ne pranga 5 te pandehurit. Ata jane pronari autoshkolles "Univers Vip", Kadri Dajci, efektiv i policise se Tiranes, anetareve te komisionit, Emiliano Kahu nga Shijaku dhe Sokol Breca si dhe dy instruktoret, Qazim Hoxha dhe Jonuz Meshi. Sipas hetimeve te kryera ka rezultuar se kushti i vetem qe duhej te plotesonin kursantet qe kerkonin pajisjen me leje per drejtim automjeti, nuk ishin aftesite, por pagesa nen dore prej 35 mije lekesh. Hetimet, te cilat kane filluar ne muajin janar 2008, kane zbuluar se askush nga kursantet nuk mund te merrte patenten nese nuk paguante ryshfet edhe nese ne prova arrinte te fitonte vleresimin me 100 pike. Sipas hetuesve pronari autoshkolles "Univers Vip", Kadri Dajci, efektiv i policise se Tiranes, u premtonte klienteve mundesine e marrjes se patentes, pa hyre fare ne provim. Dajci dyshohet se ai u thoshte kursanteve t'i jepnin parate qe me pas ai i paguante dy anetareve te komisionit, Emiliano Kahu nga Shijaku dhe Sokol Breca. Keta te fundit merrnin pjesen me te madhe te fitimit, ndersa instruktoret dhe pronari i autoshkolles, merrnin nje pjese me te vogel. Parate paguheshin para provimit ndersa anetaret e komisionit plotesonin testimin, ne menyre qe piket te ishin mbi kalueshmerine per kursantet qe paguanin ryshfet.