Granoff viziton segmentin Rreshen-Kalimash

Presidenti i Fondit Shqiptaro-Amerikan te Ndermarrjeve, Majkell Granoff, eshte rikthyer ne Shqiperi brenda nje kohe te shkurter. Por kete here, perpara se te nise bisedimet per projektet qe do te zbatohen ne Shqiperi, ai ka bere nje vizite ne segmentin Rreshen-Kalimash, qe po e nderton kompania amerikane “Bektel”.

Aktualisht tuneli po i afrohet ndertimit te 70 perqind te tij, ndersa nga 27 ura kane perfunduar plotesisht 5 prej tyre dhe jane ne perfundim e siper 22 te tjerat.

Drejtuesit e kompanise “Bektel” informuan Granoff-in se po behet gjithcka per te kapur afatin e perfundmit te te gjithe segmentit brenda 13 qershorit te vitit te ardhshem.

Presidenti i Fondit Shqiptaro-Amerikan te Ndermarrjeve tha se “segmenti Rreshen-Kalimash dhe e gjithe autostrada me kater korsi Durres-Kukes, eshte nje projekt i jashtezakonshem jo vetem per Shqiperine, por edhe per rajonin”.

“Per ndryshime te medha duhen bere gjera te medha”, tha zoti Granof, i cili ishte optimist se autostrada Durres-Kukes do te terheqe investime te rendesishme.