"Greqi-Shqiperi, biznesi grek do te mbeshtetet"

Ne Kongresin e Partive Popullore Evropiane ne Bon te Gjermanise, kryeministri Berisha pati nje takim me kryetarin e Partise greke Demokracia e Re, Antonis Samaras. Pergjate ketij takimi Berisha e uroi Samaras, per zgjedhjen e tij ne postin e kryetarit te kesaj partie. Gjate bisedes, te dy personalitetet vleresuan marredheniet shume te mira mes dy vendeve dhe dy partive simotra dhe theksuan vullnetin e te dy paleve, per ngritjen e ketyre marredhenieve ne nivel akoma me te larte, ne interes te zhvillimit te te dy vendeve dhe mireqenies se dy popujve miq. Nga ana e tij, Samaras, vleresoi arritjet e Shqiperise nen udheheqjen e kryeministrit Berisha dhe mazhorances se kryesuar prej tij ne vitet e fundit, vecanerisht reformat e rendesishme ekonomike te ndermarra prej qeverise shqiptare. Po keshtu ai vleresoi edhe perpjekjet e qeverise, permes implementimit te reformave thelbesore per plotesimin e standardeve, per integrimin ne Bashkimin Evropian. Te dy personalitetet diskutuan per perkrahjen e rritjes se metejshme te investimeve greke ne Shqiperi, ne fusha te ndryshme te ekonomise. Berisha siguroi se investitoret greke do te kene perkrahjen e plote te tij dhe te qeverise shqiptare, ne menyre qe investimet e tyre ne Shqiperi, te jene nje histori suksesi.