Greqi, policia vret shqiptarin në një shkëmbim zjarri

Një shqiptar ka mbetur i vrarë nga plumbat e policisë në kryeqytetin grek gjatë një shkëmbimi zjarri. Policia helene ka hapur zjarr ndaj dy shqiptarëve të kërkuar, duke lënë të vdekur njërin prej tyre.
Shqiptarët ishin në kërkim për disa vjedhje në Athinë. Policia bëri të ditur se i kërkuari tjetër ka mbetur i plagosur nga ngjarja.
Mësohet se shqiptarët kishin kryer dhjetra vjedhje gjatë 6 muajve të fundit. Ende nuk dihet identiteti i viktimës dhe as gjendja shëndetësore e të plagosurit.