Greqi protesta te dhunshme dhe greva
Protesta të dhunshme përgjatë natës e greva në mengjes. Nje fillim i trazuar për një jave mjaft të rëndësishme për Athinën. Para parlamentit grek ndjehej ende sot në mëngjes era e rëndë e gazit lotsjellës, ndërsa mijëra protestues një natë më parë tentuan sërish të mësynin godinën në qendër të kryeqytetit. Demostrata massive e së dielës kundërshtonte miratimin e taksës shtesë mbi pronën, nën parullat "Nuk do të paguajmë", "Diktatura mori fund në '73", "Duam lirinë tonë”.
Por ndërsa trazirat nuk ndalen, ministri i Financave, Venizellos tha se Greqia do të vazhdojë të bëjë shkurtime të buxhetit, pavarësisht “kostos së lartë sociale dhe politike për popullin”. Komentet e tij gjatë takimit të Shoqatës Bankare ne Uashington, vijnë në kohën kur ekipi i Fondit Monetar Ndërkombëtar dhe inspektorët e Bashkimit Evropian mbërrijnë në Athinë, për të vlerësuar nëse Greqia i ka përmbushur kushtet e nevojshme për këstin e ardhshëm të ndihmës, në vlerë prej tetë miliardë eurosh.
Analistët thonë se ekziston mundësia që kësti i rradhës të mos miratohet. Pa te Greqia nuk do të mund të shlyejë detyrimet e saj në muajin tetor. Një tjetër paketë shpëtimi është miratuar për Greqinë në muajin korrik por ajo nuk është ratifikuar ende nga vendet anëtare të eurozonës.
Delina Bitraku
Por ndërsa trazirat nuk ndalen, ministri i Financave, Venizellos tha se Greqia do të vazhdojë të bëjë shkurtime të buxhetit, pavarësisht “kostos së lartë sociale dhe politike për popullin”. Komentet e tij gjatë takimit të Shoqatës Bankare ne Uashington, vijnë në kohën kur ekipi i Fondit Monetar Ndërkombëtar dhe inspektorët e Bashkimit Evropian mbërrijnë në Athinë, për të vlerësuar nëse Greqia i ka përmbushur kushtet e nevojshme për këstin e ardhshëm të ndihmës, në vlerë prej tetë miliardë eurosh.
Analistët thonë se ekziston mundësia që kësti i rradhës të mos miratohet. Pa te Greqia nuk do të mund të shlyejë detyrimet e saj në muajin tetor. Një tjetër paketë shpëtimi është miratuar për Greqinë në muajin korrik por ajo nuk është ratifikuar ende nga vendet anëtare të eurozonës.
Delina Bitraku