Greqia pjese integrale e eurozones
Liderët e Francës, Gjermanisë dhe Greqisë kanë deklaruar se Greqia është pjesë “integrale” e eurozonës.
Deklarata ka ardhur pas bisedave telefonike të zhvilluara mes kryeministrit grek Jorgo Papandreu, presidentit francez Nicolas Sarkozy dhe kancelares gjermane Angela Merkel.
Greqia ka ritheksuar gjithashtu se është e vendosur të plotësojë të gjitha planet për reduktimin e borxhit, në mënyrë që të marrë pjesën tjetër të ndihmave.
Shqetësimet për një falimentim të mundshëm të Greqisë për shkak të borxhit të saj kanë ardhur në rritje.
Deklaratat e fundit synojnë të qetësojnë tregjet, që kanë parë një “turbolencë” në javët e fundit për shkak të frikës mbi financat greke.
Kjo situatë ka bërë gjithashtu që të shtohen spekulimet se Greqia mund të braktisë monedhën e përbashkët evropiane, gjë që është mohuar nga zëdhënësi i qeverisë helene, Elias Mossialos.
“Përballë zhurmave të ditëve të fundit, është theksuar nga të gjithë se Greqia është një pjesë integrale e eurozonës”, ka deklaruar zëdhënësi.
Ndërsa zonja Merkel dhe zoti Sarkozy thanë në një deklaratë të përbashkët se: “Vënia në vend e angazhimeve të parashikuara në programin e ndihmës është jetike për kthimin e ekonomisë greke në rrugën e një rritjeje të gjatë dhe të balancuar”.
Bashkimi Evropian dhe Fondi Monetar Ndërkombëtar ranë dakord në maj të vitit të kaluar që t’i japin Greqisë 110 miliardë euro ndihmë financiare, të cilën shteti helen po e merr me këste.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Përleshje me armë në mes të Tiranës
Policia përplaset me grabitësit, 3 të plagosur, 2 në pranga
Berisha e Rama shkëmbejnë batuta
Tensionohet situata në Mitrovicë
Arvizu: Zbardhni vrasjen e gjyqtarit