Greva e deputeteve, PS qendron jashte

Partia Socialiste nuk ka bere asnje koment per propozimet e deputeteve greviste, te cilet kerkojne rishikimin e kodit ne administrimin e procesit te votimit dhe numerimit te votave. Ish-bashkekryetari socialist i komisionit per reformen zgjedhore, Kastriot Islami, nje nga ekspertet e njohur per ceshtjet elektorale, dha pergjigje vetem ceshtjen e buxhetit, per te cilen kishte dale para gazetareve.

“Kam dale sot per buxhetin... Jam i gatshem ne cdo moment, madje edhe ne diskutimin qe do te behet per reformen zgjedhore ne Parlament do te kete nje diskutim te gjate dhe nen per nen”, eshte shprehur Islami.

Por kryetari i Demokracise Sociale, Paskal Milo duke perkrahur deputetet greviste kerkoi uljen ne bisedime, megjithese nuk sqaroi nese ato duhet te nisin perpara apo pasi deputetet te deklarojne te mbyllur greven.

“Ka ardhur koha qe me gjakftohtesi, duke reflektuar seriozish, pa pasione politike dhe pa inate personale, te mund te rikthehemi edhe njehere tjeter ne tavolinen e bisedimeve”, tha Milo.

Nje koment per situaten e krijuar ka bere edhe ambasadori italian ne Tirane, Saba D’Elia.

“Natyrisht behet fjale per nje dialektike politike e bere me vendosmeri nga ana e dhjete parlamentareve. Uroj qe nepermjet menyrave demokratike dhe parlamentare te arrihet ne nje zgjidhje te kenaqshme”, pohoi diplomati italian.