Greva, konferenca: Deputetet te lirojne ambientet

Konferenca e kryetareve te grupeve parlamentare, e cila ka perfunduar para pak minutash ka vendosur te dergoje prane grevisteve nje perfaqesi deputetesh.

Burime prane mbledhjes konfirmojne per Top Channel se deputetet Tritan Shehu dhe Engjell Bejtja, te dy te Komisionit te Shendetesise, pritet te takohen pas pak me grevistet per t’i kerkuar zyrtarisht ne emer te Kuvendit te Shqiperise qe te lirohet salla e seancave plenare, ku ata po zhvillojne greven.

Kjo kerkese behet jo vetem sepse neser ka seance, por edhe se koleget e parlamentit besojne se greva duhet te zhvillohet ne ambient te pershtatshem dhe me kushte te mjaftueshme, si krevate dhe ngrohje.

Por dergimi tek deputetet greviste e dy perfaqesuesve te parlamentit, nuk eshte i vetmi vendim i Konferences se kryetareve.

Burimet konfirmojne per Top Channel se pas pak Partia Demokratike, Partia Socialiste dhe disa parti te tjera parlamentare do te dalin me nje deklarate te perbashket ku do te theksohet se “unanimiteti ne vendime nuk eshte demokraci dhe se cdo vendim i parlamentit do te merret ne baze te rregullores dhe Kushtetutes”.

Ne deklarate pritet te kete edhe nje fraze per Kodin Zgjedhor, per shkak te te cilit disa deputete jane prej me shume se dy ditesh ne greve urie.

Deklarata e perbashket e demokrateve dhe socialisteve pritet te shprehe vendosmerine e dy partive dhe aleateve te tyre per te miratuar sa me shpejt te jete e mundur Kodin Elektoral, duke lene te kuptohet se nuk do te kete plotesim te kerkesave te grevisteve.

Kjo perforcohet edhe me shume nga fjalia tjeter e deklarates se perbashket ku do te thuhet se “presioni eshte i papranueshem dhe kunder rregullave. Vendi i diskutimit dhe debatit eshte brenda parlamentit dhe se gjithcka tjeter eshte e papranueshme”.

Ky vendim i Konferences se kryetareve duket se eshte paraprire nga nje takim i thirrur prej kryetares se parlamentit Jozefina Topalli me kater prej ambasadoreve me te rendesishem te Bashkimit Europian ne Tirane.

Mesohet se ne takimin e zonjes Topalli me ambasadoret europiane kane qene te pranishem per diskutimin e situates se krijuar edhe perfaqesues te larte te grupit parlamentar te Partise Socialiste.