Greva, shkon në 53 numri i grevistëve që janë dërguar në spital

Ka shkuar në 53 numri i grevistëve të cilët e kanë lënë grevën që nga fillimi i saj. Grevisti më i fundit i cili është larguar nga greva është 37-vjeçari Alban çani i cili është dërguar urgjentisht në spital. Ndërkohë pak orë më parë si pasojë e gjendjes së rënduar shëndetësore janë detyruar të lënë grevën edhe deputeti i PS-së Besnik Bare, Armando Uruci nga Tirana dhe Viktor Hila nga Guri i Zi.
Ndërkohë greva e urisë e socialistëve ka hyrë në ditën e 17-të të saj dhe mjekët theksojnë se gjendja e grevistëve në çadra sa vjen e rëndohet.