Grevistët: Do të vazhdojmë

Deputetët dhe mbështetësit e PS-së që po vazhdojnë të qëndrojnë në çadrat e ngritura para Kryeministrisë treguan në mitingun e pasdites se do të vazhdojnë të qëndrojnë në grevë. Pavarësisht se ishte dita e 16-të, ata thanë se janë të vendosur të shkojnë më tej. Deputeti Gazmir Bizhga i futur në grevë prej 16 ditësh, theksoi se qeveria nuk mund të thyejë 200 mijë shqiptarët që po kërkojnë të drejtën e tyre. E drejta zhytet, por nuk mbytet, ajo do dalë në sipërfaqe si drita e diellit, - theksoi Bizhga.