Gruevski: Do të zbatojmë kërkesat e Brukselit

“Do të fokusohemi në punët të cilat Brukseli i ka vlerësuar si mangësi - administratën, gjyqësinë dhe disa punë të tjera, ndërsa lufta kundër krimit dhe korrupsionit do të vazhdojë me dinamikë të fuqishme”, deklaroi sot kryeministri Gruevski.

Për reformat në administratë, qeveria e Maqedonisë ka angazhuar edhe një ekspert nga Sllovenia, ish-ministër për administratë shtetërore.

"Ai bëri plan të aksionit, ne e prezantuam dhe tani e presim raportin e SIFMA-s, të cilin e ka rekomanduar Bashkimi Evropian, në mënyrë që t'i inkorporojmë edhe atje të gjitha rekomandimet, e kështu së bashku me tërë këtë në tetor, shpresoj të kalojmë drejt disa ndryshimeve më konkrete ligjore dhe zbatimin e tyre", informoi Gruevski.