Grupi i PS-se sot ne Kuvend vetem ne 60-minuteshin e lire
Eneida Jacaj - Grupi Parlamentar i Partise Socialiste do te vijoje sot marredhenien e kushtezuar me Kuvendin duke marre pjese vetem ne 60-minuteshin e lire. Vendimi u mor dje paradite ne mbledhjen e Grupit Parlamentar socialist. Deputetet socialiste gjate debatit te lire do te diskutojne per shkeljet e shpeshta ne Kuvend si rasti i votimit per heqjen e imunitetit te deputetit Ilir Beqja dekretet e Presidenti Bamir Topi per Gjykaten Kushtetuese te cilat nuk jane perfshire ne axhenden e Kuvendit si dhe per vonesen e publikimit te kalendarit te Kuvendit.
Kalendari i Kuvendit
Me heret Partia Socialiste eshte ankuar per pengimin e publikimit te axhendes kalendarike te Kuvendit. Sipas PS-se Topalli ka thyer Rregulloren e Kuvendit duke penguar administraten e Kuvendit per te bere publik kalendarin e punimeve te Kuvendit. Neni 27 per kalendarin e punimeve te Kuvendit paragrafi 5 e shpjegon me qarte kete procedure. Kalendari i punimeve te Kuvendit permban ne menyre te detajuar kohen kur Kuvendi zhvillon punimet ne seance plenare dhe komisione. Kalendari publikohet dhe u shperndahet deputeteve si edhe u vihet ne dispozicion perfaqesuesve te medias. Ne cdo rast rendi i dites duhet te jete bere publik te pakten dy dite perpara dates se caktuar per mbledhjen e komisionit ose seances plenare - thuhet ne kete nen. Gjithashtu edhe ne nenin 30 paragrafi 2 percaktohet qe drejtuesi i seances plenare ose kryetari i komisionit para se te mbylle perkatesisht seancen ose mbledhjen njofton oren e fillimi te seances plenare ose te mbledhjes se ardhshme.
Dekretet
Gjate debatit te lire sot ne seancen plenare partia me e madhe e opozites do te ngreje shqetesimin per tejkalimin e afatit prej tete javesh per miratimin e dekreteve te Topit per Gjykaten Kushtetuese. Madje per dekretet e Topit maxhoranca eshte ankuar deri ne Kushtetuese. Nje grup deputetesh te Partise Demokratike dy dite me pare i kane derguar nje kerkese Gjykates Kushtetuese nepermjet se ciles kerkojne interpretimin e dy neneve te Kushtetutes per menyren e perzgjedhjes dhe dekretimit te kandidateve per anetare ne keto dy gjykata. Nepermjet kerkeses maxhoranca ka nenkuptuar shprehjen e pakenaqesise per kandidaturat e dekretuara deri tani nga kreu i shtetit. Keshtu demokratet kerkojne percaktimin e kritereve te sakta per menyren e perzgjedhjes se gjyqtareve si dhe percaktimin e qarte te kompetencave te dy institucioneve qe merren me propozimin dhe miratimin e kandidateve.
4 Nentor 2010