Grupi i mjekeve, 13 operacione vetem ne nje jave
Gjate javes se kaluar mjeket shqiptare, pikerisht kardiokirurgu dr.Arben Baboci, dr. Numila Kuneshka, dr. Shqipe Saraci dhe dr.Anila Godo, si dhe ata italiane dr. Vittorio Vanini, se bashku me bashkepunetoret dr. Italo Borini dhe Giuseppe Ghislandi, kane zhvilluar 13 operacione te veshtira. Sipas mjekeve, nderhyrjet e bera kane pasur te benin me patologji te cilat nuk ndeshen shpesh. Konkretisht kane qene semundje te lindura te zemres te cilat kane te bejne me keqformime te valvuleve, eneve te gjakut etj. "Ky bashkepunim periodik ka per qellim te rrise pergatitjen profesionale te ekipit shqiptar, per nderhyrjet kirurgjikale dhe asistenca e mjekeve italiane te jete vetem per rastet e rralla me specifiken qe ata kane", ka pohuar kardiokirurgu, Arben Baboci. Femijet e operuar gjate ketyre diteve kane qene te gjithe nen nje vjec dhe me patologji te veshtira, kryesisht te lindura. Nderkohe gjate qendrimit, ekipi italian ka kryer mbi 30 ekzaminime per pacientet e operuar kohe me pare, apo edhe per raste te reja. Ekipi i mjekeve italiane vjen per te disaten here ne vendin tone per te kryer te tilla operacione dhe vizita.