Guria bankave: Jepuni kredi bizneseve te vogla dhe te mesme Eglantina Nasi
Bizneset dhe sidomos ato te vogla e te mesme, paraqesin nevoje te madhe per financim nga bankat, ne kohen e efekteve negative te krizes ekonomike. Prandaj, keto te fundit, nuk duhet te jene aspak te kursyera ndaj tyre per t’u akorduar kredi, ne menyre qe ato te perballojne problemet e mundshme me likuiditetin. Nje apel te tille, sistemit bankar, per nje kujdes me te madh ndaj kreditimit te ndermarrjeve SME, ia drejtoi dje publikisht, drejtoresha e Agjencise se Investimeve, Eneida Guria. “Shpeshhere, sidomos ne dy vitet e fundit jemi perballur gjithmone me efektet e krizes financiare boterore, jemi perballur me veshtiresi ne likuiditete, sidomos per sektorin privat. Dhe per kete arsye, menduam qe te nisim nje fushate, qellimi i vetem dhe shume i thjeshte e se ciles eshte qe te krijojme nje ure bashkebisedimi midis bankave dhe sipermarresve shqiptare”, tha ajo. Duke risjelle ndermend faktin se ndermarrjet e vogla dhe ato te mesme (te ashtuquajturat SME), zene rreth 90% te atyre qe zhvillojne aktivitetin e tyre ekonomik ne vendin tone, Guria nenvizoi se nje klime me e favorshme e krijuara prej bankave ndaj tyre, do ta nxiste edhe me shume prodhimin dhe ekonomine vendase ne teresi. Kjo edhe per faktin tjeter, se sistemi bankar figuron te jete financuesi kryesor i ekonomise me nivelin rreth 85%. Kujtojme nderkaq, se vetem pak dite me pare Banka e Shqiperise, ka publikuar nje pakete masash ne kuadrin e nxitjes se kreditimit te biznesit prej bankave. E cila permbante mes te tjerash, qe rritja e portofolit te kredise se dhene brenda vendit mes niveleve 4% dhe 10% te shoqerohet me ulje te kerkeses per kapital. Duke i bere bankat ta rrisin kredine me te pakten 4%. Ne te kundert, vendosjet e parave jashte vendit do te shoqerohen me rritje te kerkeses per kapital. Ndersa ne aktivitetin e djeshem, perfaqesuesit e bankave tregtare ne vend kane njohur perfaqesuesit e komunitetit te biznesit me produktet kryesore qe ata disponojne aktualisht ne fushen e kredidhenies. Te cilat bazohen kryesisht ne financimin e investimeve per zgjerimin e aktivitetit te tyre, apo permiresimin e teknologjise se bizneseve. Duke argumentuar nga ana tjeter, se ne kushtet e renies se kerkeses konsumatore dhe iniciativave per investime, parashtrimi i lehtesive kredituese perben nje sinjal pozitiv per ekonomine e vendit. Prandaj, ne kete aspekt, sistemi bankar shprehu gatishmerine e tij per t’iu pergjigjur pozitivisht fteses se bere nga institucioni i AIDA-s per rritje te kreditimit.