Hakmarrja e juniorëve të Interit
Një javë pas eliminimit të hidhur nga Liga e Kampionëve, Interi ka marrë një ngushëllim të vogël ndaj Olympique Marseilles.
Të mërkurën mbrëma skuadra juniore e gjigantit milanez ka mposhtur Marseillen 2-0 në kuadër të ‘Next Generation Series’ dhe ka siguruar kualifikimin në gjysmëfinale, ku do të takohet me Ajaxin.
Holandezët vazhduan garën pas fitores së thellë 6-0 ndaj Liverpoolit. Skuadra e parë e Interit ishte eliminuar nga Liga e Kampionëve në bazë të rregullës së golave si mysafire pas barazimit me rezultat të përgjithshëm 2-2 me Marseillen.