Turqia e interesuar për Euron 2020
Kryeministri turk Rexhep Tajip Erdogan ka deklaruar se Turqia planifikon zhvillimin e një fushate për të organizuar Kampionatin Evropian të Futbollit në vitin 2020.
Duke folur para delegatëve në një kongres të UEFA-s në Stamboll, Erdogan tha se Turqia “ka arrtije në infrastrukturë” dhe ka një mori tifozësh të rinj të futbollit.
UEFA pritet që javën e ardhshme të nisë zyrtarisht procesin për të shpallur vendin organizator për Euron 2020.
Të 53 shtetet anëtare të UEFA-s mund të aplikojnë për të zhvilluar turneun.
Turqia humbi në ofertën e saj për të organizuar Euron 2016, e cila iu dha Francës.
Apeli i Erdoganit për të organizuar Euron 2020 vjen pasi autoritetet turke vazhdojnë të hetojnë skandalin e fiksimit të ndeshjeve.