Ham Kam shuan endrren e Sabino Plakut

Ekipi norvegjez Ham Kam shuan endrren e Sabino Plakut, lojtarit qe synonte te fitonte titullin kampion me Dinamon. Dita e djeshme i ka dhene fund deshires se Plakut dhe te klubit te Dinamos per te vazhduar deri ne fund te ketij sezoni. Norvegjezet qe zoterojne kartonin e Plakut kerkuan rikthimin e tij, per te vijuar karrieren ne Norvegji. Ne keto kushte, Dinamo eshte e detyruar ta lere te lire, ne baze te marreveshjes se merkatos se veres, sulmuesin i cili ne pjesen e pare te ketij sezoni shenoi tete gola, dy me pak se golashenuesi me i mire, Migen Memelli. Plaku, nje prej sulmuesve me te dalluar te pjeses se pare te ketij sezoni do te jete nje mungese e madhe per Dinamon. Drejtuesit blu publikuan emrin e nje sulmuesi te ri, Cecos, si zevendesuesin e Sabino Plakut. Nderkohe, Dinamo do te afroje edhe disa elemente te tjere, ne vigjilje te pjeses se dyte te kampionatit. Ne nje analize, pas perfundimit te pjeses se pare te kampionatit, presidenti i Dinamos, Besnik Sulaj vleresoi ecurine e skuadres se tij dhe si objektiv per pjesen tjeter ka shpallur mbrojtjen e titullit kampion. Diferenca mes Dinamos qe ndodhet ne vend te trete dhe Vllaznise kryesuese eshte tete pike.