Hamilton, supermilioner nese fiton

Titulli kampion do t’i sjelle perfitime te medha financiare Ljuis Hamiltonit. Sipas te perditshmes britanike “Telegraf”, nese piloti i McLaren-it do te shpallet sot kampion bote, atehere ai do te komandoje dhe klasifikimin e sportisteve me te paguar.

Titulli kampion, do ta ngjise Ljuis Hamilton ne krye te renditjes me 100 milione sterlina ne vit, duke eklipsuar keshtu britanikun Devid Bekham i cili nje vit me pare perfitonte 31 milione sterlina.

Ne vendin e dyte te ketij klasifikimi vazhdon te mbetet Tajger Uds, por nuk mungojne dhe emra si Ronaldinjo apo Roxher Federer.

Por titulli kampion, nuk e ben vetem Hamiltonin te pasur. Nje tifoz i Formules 1, ne Britani, ne vitin 1998 kur Ljuis Hamilton ishte vetem 13 vjec ka vendosur nje bast prej 100 sterlinash se brenda moshes 25-vjecare piloti anglez do te arrije te shpallet kampion bote.

Nese Hamilton ia del mbane qe te shpallet kampion bote kete fundjave, atehere ky tifoz perfiton 125 mije sterlina per te cilat kishte vendosur 100 sterlina 10 vjet me pare.