Hapi i radhes drejt unionit bankar

Zona euro i ka dhënë dritën jeshile rikapitalizimit të drejtpërdrejtë të bankave nga ana e fondit për shpëtimin e vendeve anëtare të Bashkimit europian. 
Ministrat e financës të 17 vendeve të monedhës së përbashkët, të mbledhur në Luksemburg kanë duartrokitur marrëveshjen e arritur që shënon hapin e radhës drejt unionit bankar. Gjithashtu me anë të kësaj marrëveshjeje bëhet e mundur shpëtimi i instituteve pa qenë e nevojshme të kalohet nëpër financat publike. Por një nga kushtet është që nuk mund të jepen më shumë se 60 miliard euro. Një shifër e vogël kjo duke menduar që vetëm Spanja deri më parë ka përfituar 100 miliardë.