Haxhinasto: Misioni i LSI, afrimi i politikës me qytetarin
31-03-2013 / Gazeta 55
Elbasan, anëtarësime të reja në LSI
“Afrimi i politikes me qytetarin është misioni i Lëvizjes Socialiste për Integrim”. Kështu ka deklaruar zëvendëskryeministri Edmond Haxhinasto nga Gjegjani i Elbasanit ku u ka dorëzuar kartat e anëtarësisë të rinjve.
Sekretari Politik i LSI-së për Qarkun e Elbasanit, Edmond Haxhinasto, tha se LSI ka prioritet madhor punësimin e të rinjve. Kjo sipas tij nuk është një retorikë elektorale pasi forca politike që ai përfaqëson është e qartë dhe konkrete për realizimin e këtij premtimi. Propozimi sipas Haxhinastos vjen për të arritur punësimin në disa sektorë siç janë energjetika, industria minerare, tregtia, prodhimi edhe agro-përpunimi.