Haxhinasto takon drejtoreshën italiane të MPJ
TIRANË- Drejtoresha e Përgjithshme e Bashkëpunimit në Ministrinë e Punëve të Jashtme të Italiasë Elisabetta Belloni, në një takim sot në Tiranë me zv/kryeministrin dhe ministër i Punëve të Jashtme Edmond Haxhinasto, theksoi se Shqipëria është vend prioritar për Italinë.
Zyra e shtypit në Ministrinë e Punëve të Jashtme bëri të ditur se në takimin me ministrin Haxhinasto, Belloni vuri në dukje se "Shqipëria është vend prioritar për projektet e Bashkepunimit italian dhe do të vazhdojë të mbetet i tillë edhe në të ardhmen".
Në këtë kuadër, zoti Haxhinasto shprehu nevojën e mbështetjes italiane për përfshirjen e Shqipërisë në rrjetet energjetike panevropiane, në veçanti për projektet në kuadrin e Korridorit 8 dhe gazsjellësit Trans Adriatic Pipeline.
Ministri Haxhinasto shprehu kënaqësinë për marrëdhëniet e shkëlqyera të partneritetit strategjik mes dy vendeve tona, të cilat kanë një dimension të rëndësishëm ekonomik. Në këtë kuadër, ai vlerësoi kontributin e madh të qeverisë italiane në Shqipëri dhe vuri theksin në domosdoshmërinë e zgjerimit të bashkëpunimit edhe në fusha e projekte të tjera prioritare për vendin tonë, si energjia, turizmi, bujqësia, etj.
Belloni, nga ana e saj, nënvizoi nevojën e rritjes së efektivitetit dhe cilësisë së këtij bashkëpunimi dhe shtrirjes së tij në të gjitha fushat e tjera me interes të ndërsjellë.
(e.m/ata/balkanWeb)
Zyra e shtypit në Ministrinë e Punëve të Jashtme bëri të ditur se në takimin me ministrin Haxhinasto, Belloni vuri në dukje se "Shqipëria është vend prioritar për projektet e Bashkepunimit italian dhe do të vazhdojë të mbetet i tillë edhe në të ardhmen".
Në këtë kuadër, zoti Haxhinasto shprehu nevojën e mbështetjes italiane për përfshirjen e Shqipërisë në rrjetet energjetike panevropiane, në veçanti për projektet në kuadrin e Korridorit 8 dhe gazsjellësit Trans Adriatic Pipeline.
Ministri Haxhinasto shprehu kënaqësinë për marrëdhëniet e shkëlqyera të partneritetit strategjik mes dy vendeve tona, të cilat kanë një dimension të rëndësishëm ekonomik. Në këtë kuadër, ai vlerësoi kontributin e madh të qeverisë italiane në Shqipëri dhe vuri theksin në domosdoshmërinë e zgjerimit të bashkëpunimit edhe në fusha e projekte të tjera prioritare për vendin tonë, si energjia, turizmi, bujqësia, etj.
Belloni, nga ana e saj, nënvizoi nevojën e rritjes së efektivitetit dhe cilësisë së këtij bashkëpunimi dhe shtrirjes së tij në të gjitha fushat e tjera me interes të ndërsjellë.
(e.m/ata/balkanWeb)