Heinze ndahet nga Roma
Gabriel Heinze ka arritur marrëveshje me Romën për shkëputjen e kontratës së tij me klubin nga Serie A.
Kurse, Newell’s Old Boys ka shprehur gatishmëri për transferimin e tij. Heinze është një prej shumë futbollistëve të cilët gjatë këtij afati kalimtar kanë shkëputur marrëveshjet e tyre me Giallorossët.
Trajneri i ri Zdenek Zeman ka lënë të lirë Fabio Simplicion, Juanin, Aleandro Rossin, David Pizarron e tani listës i është bashkuar edhe Heinze. Por, ai pritet që menjëherë ti bashkohet klubit argjentinas Newell’s Old Boys ku edhe filloi karrierën e tij.