"Hena e Plote", kapen 5 shperndares droge, sekuestrohen 8 kg kanabis

Tirane- Pese te rinj kane rene ne prangat e policise, si shperndares te lendeve narkotike. Pas nje pune te gjate hetimore rreth gati 2-mujore, strukturat e seksionit Kunder Lendeve Narkotikeve, arrestuan ne flagrance te rinj, dy prej te cileve vellezer me njeri-tjetrin, pasi ne automjetin me te cilin ata udhetonin, u gjet nje sasi kanabis sativa. Besmir Koleci 24 vjec dhe Ervis Koleci 19 vjec, te dy vellezer me banim ne Bathore, si dhe kusheriri i tyre Xhevat Koleci 19 vjec dhe nje 24-vjecar Admir Doda, dyshohet se ishin shperndares sistematik te bimes narkotike kanabis, ne zonat e Bathores, Kamzes dhe Laprakes. Ata u kapen ne afersi te Ures se ndodhur ne Babrru dhe ne cilesine e proves materiale iu sekuestrua nje sasi prej 7 kg e 227.2 grame kanabis. Nje pjese e lendes narkotike prej 844 gram, u gjet e fshehur ne sedijen e automjetit tip "Benz" taksi me targe TR 9310 F, ndersa sasia prej 6.177 grame, u sekuestrua ne banesen e Ervis Kolecit. Gjate kontrollit te baneses se ketij personi, u gjet edhe nje sasi farerash me bime narkotike, me peshe 206.6 grame, e cila ishte e ndare ne qese te gatshme me qellim kultivimin e saj. Po keshtu forcat e Antidroges, fale informacioneve te marra se ne nje qender interneti afer ish-shkolles Teknologjike, mbahej kanabis sativa per shperndarje, organizuan nje operacion dhe munden te prangosin 31-vjecarin Selim Goduni, banues ne Tirane. Ne qendren e internetit te administruar prej tij, u gjeten 780 grame bime narkotike, kanabis sativa. Sipas policise, dyshohet se 31-vjecari vepronte duke shperndare lenden narkotike ne zonen e "Unazes se Re" ne Tirane.