Hetimi i Kuvendit debate ne Konferencen e Kryetareve

Konferenca e Kryetareve debatoi dje ne lidhje me kerkesen e Partise Socialiste per ngritjen e komisionit hetimor lidhur me veprimtarine e Kuvendit te Shqiperise. Mbledhja e djeshme eshte shoqeruar me debate te forta edhe pse mazhoranca qeverisese ishte parimisht dakord per ngritjen e nje komisioni te tille. Ajo qe ka shkaktuar debat ka qene pikerisht objekti i hetimit. Menyra e formulimit te bere nga juristet socialiste sipas Kryeparlamentares Jozefina Topalli por edhe deputeteve te mazhorances nuk perputhet aspak me ate cka parashikon ligji per komisionet hetimore. Menyra e formulimit te kerkeses eshte nje ushtrim i drejtperdrejte kontrolli mbi punen e Kuvendit duke nisur nga zbatimi i rregullores se tij perdorimi i fondeve financiare apo menyra se si kane funksionuar sherbimet perkatese - jane shprehur ligjvenesit demokrate cka sipas tyre nuk perputhet aspak me ligjin per komisionet hetimore ku percaktohet qarte se objekti i hetimit duhet te bazohet mbi fakte dhe grup faktesh te paraqitura ne menyre te detajuar. Ne kuader te ketyre verejtjeve mazhoranca ka sugjeruar permiresim te kerkeses por kreu i deputeteve socialiste Gramoz Ruci e ka kundershtuar ashper kete gje. Sipas tij kerkesa eshte formuluar teresisht ne zbatim te ligjit perkates. Mbledhja eshte mbyllur me debate duke mos dhene nje vendim perfundimtar nese kjo kerkese do te jete ne axhenden e seances plenare te dates 17 mars. Komisioni parlamentar do te hetoje veprimtarine e administrates dhe organeve drejtuese te Kuvendit Byrone e Kuvendit Sekretariatin per Buxhetin dhe Sherbimet e Kuvendit per zbatimin e legjislacionit qe rregullon funksionimin e Kuvendit dhe statusin e deputetit per periudhen shtator 2005-dhjetor 2010 - thuhet ne kerkesen e socialisteve. Gjithashtu hetim kerkohet edhe per stafin e administrates se Kuvendit menyren se si jane marre por edhe se si jane levizur nga puna nepunesit. Nje tjeter hetim kerkohet te behet edhe per shitjen e mjeteve te transportit te Kuvendit. Po dje Konferenca e Kryetareve miratoi dhe programin 3-javor te punimeve te Kuvendit. Opozita kerkoi percaktimin e nje axhende per paraqitjen e raporteve vjetore te institucioneve ne Kuvend por u ra dakord qe kjo te behet pas perfundimit te tyre ne komisionet perkatese.