Hipertensioni, 700 mije shqiptare te prekur
Hipertensioni eshte semundja qe ze vendin e pare, si shkak i vdekshmerise. Ne Shqiperi shifra e te prekurve eshte teper e larte, rreth 700 mije vete, ose 25 per qind e popullsise. Shkak i hipertensionit eshte menyra e jeteses, dhjamosja, kolesteroli, diabeti dhe semundjet e veshkave. "Rreth 700 mije shqiptare mbi moshen adulte, 18 vjec vuajne nga hipertensioni. Ne vendin tone kjo semundje mund te krahasohet me nje epidemi", deklaron Mihal Tase, drejtori i spitalit te mjekesise interne. Gjate aktivitetit ku mori pjese edhe ministrja e Shendetesise Anila Godo, u be e ditur se hipertensioni vjen nga menyra e jeteses, stresi, perdorimi i ushqimeve me yndyre, mbipesha, perqindja e larte e kolesterolit, jetesa sedentare, etj. Ne radhen e semundjeve qe shkaktojne vdekshmerine, hipertensioni eshte ne vendin e pare. Ai shkakton nje sere semundje te zemres, hemorragji cerebrale, etj. Sipas mjekut Tase, nese mjeku te rekomandon medikamente per te perdorur, ato duhet te perdoren pa pasur frike, pasi mbajne ne kontroll semundjen. Barnat per kete semundje jane te rimbursueshme totalisht per te moshuarit, pjeserisht per te semuret kronike dhe njerezit me aftesi te kufizuara, nderkohe dhe barnat alternative, ato te mjekesise moderne jane te rimbursueshme pjeserisht. Por, per sa i perket spitaleve, mjeku Tase pranon qe ka mungesa barnash dhe do te kete per nje kohe te gjate mungesa. Ne fund te masterit per hipertensionin do te percaktohen dhe protokollet e trajtimit te ketyre semundjeve, qe do te dorezohen ne Ministrine e Shendetesise. Ne baze te ketyre protokolleve, do te kemi nje trajtim te njejte, ne te njejten cilesi te ketyre pacienteve, pavaresisht nga rrethi dhe spitali ku po kurohen. Ne baze te ketij protokolli do te dale dhe kostoja e trajtimit te nje pacienti. Ne baze te kesaj kosto, ky sherbim mjekesor, por dhe sherbime te tjera do te "blihen" nga Instituti i Sigurimeve te Kujdesit Shendetesor, apo nga institute te tjera private qe mund te ofrohen. Percaktimi i metodave per trajtimin e semundjeve do te beje qe te kemi te njejten cilesi sherbimi dhe standardizim te spitaleve, kryesisht ato te rretheve.