Historike, Uruguaji në gjysmëfinale pas 40 vitesh
Koha e rregullt e sfidës që u luajt në stadiumin “Soccer City” të Johanesburgut përfundoi në barazim 1-1. Fillimisht mesfushori Sulei Muntari kaloi ganezët përpara në minutën e fundit të pjesës së parë me një gjuajtjeje nga rreth 35 metra, e cila e gjeti të papërgatitur portierin Muzlera. Dhjetë minuta nga fillimi i të dytës Diego Forlan barazpeshon takimin me një goditje dënimi nga jashtë zone, kësaj here për faj të portierit Kingson.
Megjithë rastet në portat përkatëse, 90 minutat përfunduan në barazim 1-1, por më e bukura do të vinte në kohën shtesë. Më saktë, në fund. Minuta e 122-të, aksioni i fundit për ganezët. Luis Suarez ndal me dorë topin që po i drejtohej portës së boshatisur. Për gjyqtarin portugez Benkerença nuk ka asnjë dyshim: penallti dhe karton i kuq për sulmuesin e Uruguajit.
Nga pika e bardhë niset i përhershmi Asamoah Gian (autor i dy golave me penallti në ndeshjet e mëparshme). Por goditja e tij prek traun e portës dhe përfundon jashtë. Gian bëhet protagonist negativ i ekipit të tij, pasi nëse topi do të ndalej në rrjetë, Gana ishte në gjysmëfinale. Gjithsesi, fatin e sfidës e vendosën 11-metërshat. Maksi Perreira gaboi për Uruguajin, por Muzlera u bë hero pasi priti penalltitë e kapitenit Mensah dhe sulmuesit Domonik Adiah.
Përfundon 4-2 dhe për të parën herë prej vitit 1970 Uruguaji siguron një vend mes katër më të mirëve të botës dhe të enjten, më 6 korrik në orën 20:30, në “Green Point Stadium” të Kejp Taunit, do të diskutojë me Holandën një vend për në finale . Kurse Gana kishte mundësi të hynte në histori si i pari ekip afrikan që kalon në gjysmëfinale. Megjithëse nuk ia dolën, “yjet e zinj” kanë meritën e arritjes deri në çerekfinale.
Megjithë rastet në portat përkatëse, 90 minutat përfunduan në barazim 1-1, por më e bukura do të vinte në kohën shtesë. Më saktë, në fund. Minuta e 122-të, aksioni i fundit për ganezët. Luis Suarez ndal me dorë topin që po i drejtohej portës së boshatisur. Për gjyqtarin portugez Benkerença nuk ka asnjë dyshim: penallti dhe karton i kuq për sulmuesin e Uruguajit.
Nga pika e bardhë niset i përhershmi Asamoah Gian (autor i dy golave me penallti në ndeshjet e mëparshme). Por goditja e tij prek traun e portës dhe përfundon jashtë. Gian bëhet protagonist negativ i ekipit të tij, pasi nëse topi do të ndalej në rrjetë, Gana ishte në gjysmëfinale. Gjithsesi, fatin e sfidës e vendosën 11-metërshat. Maksi Perreira gaboi për Uruguajin, por Muzlera u bë hero pasi priti penalltitë e kapitenit Mensah dhe sulmuesit Domonik Adiah.
Përfundon 4-2 dhe për të parën herë prej vitit 1970 Uruguaji siguron një vend mes katër më të mirëve të botës dhe të enjten, më 6 korrik në orën 20:30, në “Green Point Stadium” të Kejp Taunit, do të diskutojë me Holandën një vend për në finale . Kurse Gana kishte mundësi të hynte në histori si i pari ekip afrikan që kalon në gjysmëfinale. Megjithëse nuk ia dolën, “yjet e zinj” kanë meritën e arritjes deri në çerekfinale.