Homazhe per Deshmoret e Luftes se Dyte boterore
DURRËS - Edhe ne Durres ashtu si ne te gjithe vendin eshte kremtuar dita e clirimit te vendit nga okupatoret nazifashiste, 29 Nentori. Kryetari i bashkise Vangjush Dako, qindra veterane, perfaqesues te forcave politike te majta, perfaqesues te pushtetit vendor, perfaqesues te besimeve fetare dhe shume qytetare durrsake kane bere homazhe per te renet dhe kane vendosur kurora me lule ne Mauzoleumin e Deshmoreve. Te gjithe te pranishmit kane parakaluar perpara pllakave perkujtimore te heronjve dhe deshmoreve te Durresit dhe veteranet kane sjelle ne vemendje kujtimet e tyre per keta njerez qe dhane jeten e tyre per liri. Kryetari i bashkise se Durresit Vangjush Dako u shpreh se "Me 29 Nentor gjithe Durresi dhe vendi yne kujton dhe nderon ata qe e deshen aq shume kete vend, sa dhane jeten e tyre per te. Durresi eshte ne qender te historise shqiptare te luftes se dyte boterore sepse ishte pikerisht qyteti bregdetar ku filloi historia e luftes nacionalclirimtare ne 7 prill 1939", tha ai. Ne rezistencen kunder nazifashisteve u bashkuan ne menyre masive banoret durrsake dhe patriote te ardhur nga cdo ane e vendit. Pikerisht ne 7 prill ne Durres rane deshmoret e pare sic ishte heroi i popullit Mujo Ulqinaku dhe bashkeluftetare te tij te flijuar ne mbrojtje te trojeve tona. Fryma e kohes i kishte ndergjegjesuar banoret durrsake dhe shume te rinj ishin hedhur ne cetat partizane. Ne kete atmosfere e gjeti Durresin pushtimi nazist ne shtator 1943. Komanda gjermane e konsideroi qytetin tone, qytet te levizjes dhe ishte kjo pasiguri qe e detyroi komanden gjermane te ndermarre operacionin e koduar "shetitje ne port". Banoret u detyruan me force ta braktisnin qytetin ndersa te rinjte u internuan ne kampet e perqendrimit, qyteti dhe vija bregdetare u minua, rast i vetem ky ne historine e Luftes se Dyte Boterore. Ne kete ceremoni u shpreh respekti dhe mirenjohja per banoret e Durresit, qe u angazhuan ne kete lufte te rendesishme te popullit tone dhe qe sakrifikuan deri jeten e tyre per lirine e vendit. E.Arapi