Honduras, bilanci i viktimave shkon në mbi 300 të vdekur

Shumë viktima janë djegur dhe mbytur nga tymi në qelitë e tyre në burgun e Comayaguas, në Hondurasin Qendror.

Zyrtarët thonë se të paktën 300 persona janë konfirmuar të vdekur por 56 të tjerë, nga 853 të burgosur që ndodheshin aty, rezultojnë të zhdukur dhe presupozohet se kanë vdekur.

Autoritetet po hetojnë nëse zjarri i madh është shkaktuar nga trazirat në burg apo nga një shkëndijë elektrike.
Të afërm të viktimave më vonë u përpoqën të futeshin me forcë në burg, të dëshpëruar nga lajmet e transmetuara në media.

Policia u kundërpërgjigj me të shtëna në ajër dhe me gaz lotsjellës./Start/F. P/

                                                                                             2012-02-15 17:44