Hoxhaj filloi vizitën në Itali

Me ftesë të ministrit të Punëve të Jashtme të Italisë, Franco Frattini, shefi i diplomacisë kosovare, Enver Hoxhaj sot e ka filluar vizitë zyrtare në Itali.

Gjatë qëndrimit në Romë, ministri Hoxhaj do të zhvillojë takime me udhëheqësit e institucioneve italiane, dhe me personalitete nga jeta publike dhe trupi diplomatik i akredituar në Itali.

Ministri Hoxhaj do të ketë një takim të veçantë me homologun e tij italian Franco Frattini, gjatë të cilit do të bisedohet për format konkrete të thellimit të bashkëpunimit mes dy shteteve.