Humb kontrollin e mjetit dhe del nga rruga, humb jetën 28-vjeçari në Shkodër

Një aksident i rënë ka ndodhur gjatë mbrëmjes së 28 majit në Shkodër, ku një i ri ka humbur jetën.

Aksidenti ndodhi në vendin e quajtur “Muri i kalasë”, në lagjen “Liria”, ku 28-vjeçari i cili po drejtonte mjetin e tij tip “Dayang” humbi kontrollin dhe doli nga rruga.

Për shkak të plagëve të marrë, 28-vjeçari Sh. B. nuk ka mundur të mbijetojë dhe ka humbur jetën.

Një tjetër i ri humbi jetën në spital ku luftonte prej ditësh pas plagëve të marra pasi kishte rënë nga pema,

34-vjeçari P.K. ka humbur jetën në Spitalin e Traumës Tiranë,  pasi dyshohet më 17 maj është rrëzuar aksidentalisht dhe ka rënë nga lartësia e një peme lisi në fshatin Theth.

Grupet hetimore vijojnë punën për dokumentimin ligjor të rrethanave të këtyre ngjarjeve.

/rtsh.al/