Hyjne per te vjedhur pompat, bien ne korrent dy hajdutet

Elbasan- Plackitin stacionin e pompave ne komunen Perparim te Peqinit, por bien ne tension dhe plagosen dy te dyshuarit. Policia e Elbasanit beri me dije se ndaloi duke zbardhur dita e djeshme ne gjendje spitalore Juljan Shehun 35 vjec dhe Hektor Guraj 34 vjec, banues ne lagjen "Clirimi". Nga hetimi i kryer, rezulton se ne bashkepunim me njeri-tjetrin, kane tentuar te vjedhin kabllo me tela bakri, per t'i shitur ne tregun e zi, ne stacionin e pompimit ne fshatin Lolaj. Pasi kane hapur deren kryesore te ketij stacioni, jane futur brenda duke filluar te cmontojne pajisjet. Nga pakujdesia, te dyshuarit kane rene nen tension dhe si pasoje eshte demtuar me rende Hektor Guraj, i cili ndodhet ne spitalin rajonal te Elbasanit, jashte rrezikut per jeten. Burime zyrtare shpjeguan se pas verifikimit te ngjarjes dhe keqyrjes ne stacionin e pompave, jane konstatuar demtime te pajisjeve dhe tentativa e plackitjes. Dosja per kete ngjarje i kaloi dje Prokurorise se Rrethit per veprime te metejshme me akuzen "vjedhje e mbetur ne tentative".