Hyseni: Rezolutaserbe nuk do kalojënë OKB

PRISHTINE- Ministri i Punëve të Jashtme Skënder Hyseni tha se Kosova do ta sfidojë Serbinë edhe në Asamblenë e Përgjithshme të Kombeve të Bashkuare. Ai e vlerësoi rezolutën serbe për negociata në mes Kosovës dhe Serbisë si thirrje për destabilitet.

Ministri Hyseni tha se rezoluta serbe nuk do të kalojë pasi që Kosova ka marrë zotimet e shumë shteteve për mbështetje. Sipas shefit të diplomacisë kosovare, Serbia e ka edhe një shans që ta tërheqë rezolutën e saj para se të shkojë për diskutim në Asamblenë e Përgjithshme të OKB-së.
Ndërkohë, kryeministri Hashim Thaçi tha se pas fitores historike të Kosovës në Gjykatën Ndërkombëtare të Drejtësisë (GJND), Kosova do të ketë sukses edhe në OKB.
(m.a/tg/BalkanWeb)