Hyseni, javën e ardhshme vizitë në Britani

Ministri i Jashtëm kosovar, Skënder Hyseni do të zhvillojë të hënën e ardhshme një vizitë zyrtare në Britaninë e Madhe.
Lajmin e bëjnë të ditur mediat kosovare, sipas të cilave Hyseni do të takohet me homologun David Miliband dhe ministrin për çështjet Evropiane, Chris Bryant.
Gjithashtu, gjatë qëndrimit të tij në Londër, Hyseni do të mbajë një fjalim në Institutin Ndërkombëtar për Studime Strategjike.
Përveç se do të paraqesë progreset e Kosovës në dy vjet pavarësi, Hyseni do t'u përgjigjet pyetjeve të të pranishëmve.